كيك بالتفاح وعصير البرتقال

بسم الله على بركة الله

حاجتنا ف لامبة او كاس ديال الزيت

2 كيسان ديال السكر

2 كيسان ديال اللشين اي البرتقال

4 ديال البيضات

2 ديال الخميرات دالحلوة

عشرين معلقة طحين

كنخلط جميع المقادير

مع اضافة الطحين فالاخير شئا فشيئا

وفالطاوة يال الفرن الي كتكون مدهونة طبعا مزيان بالزيت كنصبوا الخليط

ونزينوه بالتفاح المقطع شناتف رقاق

باش ميكحلش ملي تقطعيه ضيفيلو الليمون

والسكر

ودخلي الكيك للفرن

دابا ندوزو للسيرو الي كيتكون من جوج حوايج

السكر وكون بزاف واللشين معصر

هنا ديرت عيني ميزاني

غليتو مزيان

انا فتحت الفرن وكبيت عليه السيرو ورجعتو اكمل الطياب

وكاين طريقة اخرى ملي يطيب ويبرد دهني الكيك بالسيرو لكن الاولى افضا

نخليكم مع الصور

لكن كانو بداو اطيروا بها قبل من صورها هههههههه













وبالصحة والراحة

بارك الله فيك اختي تجي لذيذةراني متعودة نديرها

شكرا لمروركم الكريم حبيباتي